Tresna Simpang Telu
Ayundi bocah wadon kang nduweni sifat menengan lan seneng banget karo nulis. Ning sekolahane, Ayundi nduweni telu sahabat yaiku Tatik, Jihan lan Ita. Jihan iki bocahe jueh senangane omong. Bocah kang lucu ing papat kekancan iki jenenge Tatik, dheweke seneng nglawak kang marakne ngguyu. Lan sing terakhir Ita, bocahe iki gampang baperan. Ayundi, Tatik, Jihan lan Ita yen ning sekolahan mesti bebarengan saben wektu.
Dino iki sekolah libur, amarga guru ana rapat. Ayundi lan telu sahabate mau ngana'ake acara mlaku-mlaku ing Alun-Alun jam 06.00 esuk. Panggon kumpulane ing omahe Ayundi, amarga jarake karo Alun-Alun kurang luwihe 50m.
"Assalamualaikum." Suarane Jihan ing ngarepan omahe Ayundi.
"Wa'alaikumsalam, monggo pinarak." Wangsulane Ibuku sing lagi nyirami kembang ing ngarepan omah.
"Inggih bu."
Krungu suarane Jihan, aku banjur cepet cepet metu.
"Padahal isih jam 05.30 lo han, kok yowes teko ae ta." Ucape Ayundi
"Iyo yun, aku maeng bareng ibuku sing arep menyang pasar, kan searah." Panjelasane Jihan.
Ora suwi ngono Tatik lan Ita teka.
"Loh Han, ndungaren wes teka disek biasane awakmu molor." Guyonane Tatik marang Jihan.
Jihan isane mek mesem mesem ae.
Wektu wes nunjukake jam 05.45 esuk. Ayundi, Ita, Tatik lan Jihan langsung mlaku mlaku nuju Alun-Alun.
Tekane Alun-Alun, Ayundi langsung pemanasan banjur mlayu-mlayu. Ayundi ninggalne Tatik, Ita, lan Jihan sing isih mlaku karo asik omong omongan. Ing pertengahan lek ku mlayu mlayu, ana bocah lanang kulite sawo mateng, mripate sipit lan duwur sing mlayu ing sandingku.
"Yun, mlayu mlayu dewe ta? Pitakone bocah lanang kuwi.
" Heheh, iya mas. Sampean sinten nggeh? Jawabane Ayundi karo ekspresi bingung.
"Aku Romi, Yun. Aku kakak kelas mu pas SMP."
"Oalah mas Romi ta. Kanca sekelas e Mas Galang iku? Takon ku. Mas galang yaiku tonggoku sisih omah.
" Nah iyo kuwi ileng." Ucape mas Romi.
Gak keroso yen aku wes mlayu seputeran utuh karo mas Romi. Akhire aku mutusne mandek, leren karo mas Romi.
"Yun......!!!" Celuk Ita sing mlaku nuju ing panggonanku.
"Sopo Yun iki?" Imbuhe karo mesem.
"Oh iki mas Romi, kakak kelasku pas Smp." Jawabku
"Iki kancaku sekelas mas, jenenge Ita."
Mas Romi karo Ita kenalan.
"Ganteng, Yun." Bisike lirih Ita.
Aku mok mesem banjur takon
"Jihan lan Tatik ning ngendi, Ta?"
"Wis nunggu ning ngarepan, ayo ndang balek iki wes jam 8" jawabe Ita.
Ayundi lan Ita langsung pamitan karo mas Romi, banjur balek karo Ita.
Ing dalan Ita panggah takon wae tentang mas Romi.
"Yun, ganduwe nomer e mas Romi? Takon e Ita.
" Ganduwe lah Ta, iku kan kakak kelas ku 2tahun." Jawaban ku
"Sopo kuwi mas Romi, Ta?" Pitakone Tatik karo penasaran.
" Mas Romi kakak kelase Ayundi, haduooh ganteng banget Tik!" Jawabe Ita karo mesem mesem terus.
"Yun, kan mas Galang kancane mas Romi. Njaluko nomere mas Galang yo?" Imbuhe Ita.
"Untung awakmu kui kancaku. Yolah gampang mengko tak jalukne ng mas Galang." Pungkasku.
Tekane omahe Ayundi, bocah telu langsung pamitan balek, amarga wes awan. Aku banjur adus, sarapan, ndilok tv sambi garap tugas.
Drrr.... Drrr.... Drrr suara getar hp ku. Tak dilok ana pesan w.a nomer anyar. Tak bukak, ternyata pesane kuwi saka mas Romi. "Niat arep njaluk nomere ning mas Galang, malah wes di w.a disek." batinku.
Isuk iki Ayundi budal luwih esuk, amargi dino sabtu dina ne Ayundi piket. Ayundi budal bareng Ita, soale Ita yo piket dino iki.
"Yun, piye wes oleh nomer e mas Romi awakmu? Takone Ita.
"Uwes Ta, iyo aku arep omong awakmu jane, tapi lali." jawab ku karo menehne nomere mas Romi ng Ita.
"Tur suwun yuyun...." Ucape ita karo seneng banget.
"Oke oke siap, jo lali yo aku traktiran e." Ledekku.
Akhire Ayundi lan Ita guyu bareng.
Wes ana seminggu nan iki Ita pdkt karo mas Romi, tapi Ita durung ana kabar yen wes cedek karo mas Romi. Aku yakin yen cah 2 kuwi bakal pacaran, soale mas Romi mesti takon tentang Ita ning aku, bahkan cah 2 kuwi wes dolan bareng.
Dino minggu sesok maa Romi ngajak metu aku, alasane jare arep golek kado gawe cem-cemane, bedekku yen kado kuwi gawe Ita.
"Yun, sesok minggu ana acara apa gak? Aku pingen ngajak awakmu golek kado. Gelem ngancani?" Ajake mas Romi.
"Siap mas, aku minggu sesok longgar pas sore. Hayo hayo kado gawe Ita to mas?" Guyonanku.
Mas Romi mesem mesem.
Sesok e dino minggu awan, Tatik, Ita lan Jihan dolan menyang omahe Ayundi. Dheweke pingen ngajak Ayundi dolan bareng. Nanging ayundi bingung, soale dheweke wes kadung janjian luwih disek karo mas Romi. Akhure Ayundi gawe alasan karo kanca kancane maeng.
"Yun, ayo metu pumpung minggu lo." Ajake Tatik
"Haduh cah, sepurane cah aku repot iki dina ana acara karo keluarga ku." Jawabku
"Oke gakpopo lakno, awake metu cah telu ae. Minggu ngarep awak e metu genep cah papat." jawabane Jihan.
Akhire Tatik, Jihan, lan Ita metu dewe. Aku sebenere ngroso bersalah amarga wes ngapusi kanca kancaku tapi piye maneh.....
Pukul 2 sore, mas Romi marani aku. Pamitan marang ibukku banjur langsung metu. Aku karo mas Romi golek kado ning toko Merpati sing ana ing pertigaan kidule Alun-Alun.
"Yun, cah wedok kuwi senengane opo yo?" Takon mas Romi.
"Gak ngerti mas, umume cah wedok seneng marang boneka. Aku yo seneng hehehehe." Jawabku karo guyon.
Tatik, Jihan lan Ita dolan menyang Alun-Alun cah 3 kuwi arep golek sepatu ing toko Merpati. Toko kuwi podo karo toko sing tak gawe golek kado boneka karo mas Romi. mlebu ing toko kuwi Tatik, Ita lan Jihan nyawang Ayundi lan mas Romi berbarengan ning bagian boneka.
"Loh iku ndak yo Ayundi to cah?" Pitakone Tatik marang Jihan lan Ita.
"Iyo Tik, kuwi Ayundi. Lha kok metu karo mas Romi padahal maeng lek muni enek acara karo keluarga ne." Jawabe Jihan
Nyawang mas Romi karo Ayundi, Ita langsung marani cah loro kuwi.
"Yun, jare ana acara karo keluarga, kok malah metu karo mas Romi. Awakmu ngerti kan yen aku seneng karo mas Romi. Isa isane awakmu metu bareng wonge!!." Ucape Ita karo emosi.
"Ta, iki ra koyo sing kok pikirne. Sepurane Ta, aku ngapusi mergo aku wes janjian disek karo mas Romi gawe golek kado nggo awakmu Ta, mekane aku ngapusi awakmu.." Jelasku.
"Kado gawe Ita? Awak e golek kado nggo awakmu Yun." Jawabe mas Romi.
Ayundi bingung "Lah jare sampean arep golek kado nggo cem ceman mu mas?.
" Iyo kado kuwi nggo awakmu. Cem ceman ku kuwi awakmu, aku wes seneng karo awakmu wes suwi kawet Smp." Jawab mas Romi.
Krungu jawaban e mas Romi, Ita langsung balek menyang Parkiran. Dheweke pingen muleh, atine wes ra karu karuan. Tatik lan Jihan langsung nututi Ita, ngeneng ngeneng Ita. Ditututi Ayundi, Ayundi ndak pingen yen kesalahpahaman iki ngrusak kekancanane. Tekane ngarepe Ita, Ayundi jelasne yen Dheweke ora ana perasaan karo mas Romi. Dijelas no sejelas jelas e nyang Ayundi, akhire Ita maafno Ayundi.
Bocah papat kuwi janji yen ora bakal tukaran maneh amarga kesalahpahaman tentang cah lanang.
Penulis
Jeneng : Ayundi Intan Pramesti
Tataran : XII IPA 3
Urut kaping : 05
Pawiyatan : SMAN 1 DURENAN
No comments:
Post a Comment