Areng lan Geni
"Nduk Caca, bapak ancen mboten gadah nopo-nopo, mula kui Caca kudhu sekolah saduwur-duwure supaya bisa ngangkat derajate wong tua", kui motivasi saka bapane Caca sing saben dinane dadi penyemangate Caca sregep sinau,sahingga Caca bisa mertahanake peringkat siji kawet SD tekan SMA.
Caca anduweni kanca kang paring asma Septi, "Woi, nglamun wae kesambet kapok"(bengok sakbantere) , Septi ujuk-ujuk nggeplek pundhake Caca nganti dheweke njingkat lan pedahe oleng. Septi kui kancane Caca kawet TK sampek SMA, dheweke andhuweni watak grapyak, aktif, putih, dhuwur lan dadi kebanggaane guru amarga njabat dadi ketua osis menyang sekolah favorit sekabupaten. Bapane anduweni perusahaan batu bara menyang Papua lan ibune dadi dokter spesialis untu menyang Surabaya. Septi urip ing kaluarga sing serba mewah, nanging masio dheweke sugih, Septi ora tau pilih-pilih kekancan, iku sebabe Septi dadi idola menyang sekolah, kadhang gara-gara kui Caca kepingin manggon ing posisine Septi. Putih, dhuwur, ketua osis lan dadi idola sekolah, "Sapa sih,sing ora kepingin? ". Ananging Caca ngerti lek pangeran mesti adil marang kawulanipun, saben wengi Caca sholat wengi supaya cita-citae bisa kawujud. Kawet cilik Caca digembleng kudu taat marang agama. Sapisan wae kaweruhan sholate glendor, rotan bapak Caca tetep bersyukur duweni keluarga kang tresna marang Caca. Keluarga cilik kang kebak cerita suka lan dukane, saben coba urip kang abot mesti dilakoni bebarengan kanthi ikhlas lan sabar, iku kuncine bangun kerukunan keluarga supaya panggah tentrem lan harmonis.
Sakwise mancal sepeda nglewati dalan kang jarake 12 km saka omah nganti sekolahan, Caca lan septi langsung markir sepeda lan moro menyang kelas lingguh bebarengan. Sakwise jam pelajaran entek Septi ngejak Caca ngerjakake tugas bebarengan menyang omahe Caca, "Ca, mulih sekolah ngerjakake tugas basa daearah ing mahmu yo", saben ana tugas,Caca lan Septi mesti ngerjakake bebarengan.Mulih sekolah septi banjur menyang omahe Caca garap tugas, ibu lan bapake Caca wis kenal sui karo Septi amarga Septi sering dolan menyang omahe Caca. "Buk, Septi badhe ngerjakaken tugas basa daerah kalih Caca malih nggih". Septi taren menyang ibuke gawe logat kang alus lan ditanggepi apik marang ibuke Caca.
Septi wis sejam garap tugas memyang omahe Caca, ujuk-ujuk enek mobil kang nglakson banter ing ngarep omahe Caca, "Septi, kui rakyo bapakmu", Caca ndudohi Septi lek dheweke diparani bapake. Septi kang fokus garap tugas, ora sadar lek Septi wes sui menyang omahe Caca nganti dipapak bapake Septi. "Ngerjakake tugas kok ora taren disek lan ngampek surup pisan, Septi arek dadi bocah nakal? ", Bapake Septi banjur ndukani Septi amarga ora ngerti wayah, Septi eket-eket nyangklong tas lan pamitan marang ibuke Caca ing ruang tamu, wajahe Septi pucet saking wedine karo bapake lan langsung melesat adoh mancal sepedahe. Caca sing eruh kedadean kui langsung digampek pertanyaan akeh sing amung Septi sing bisa jelasne kui kabeh, "Bapake Septi kok malih kasar? ana apa? padahal bapake Septi ki kalem". Caca akhire ngringkesi buku lan duwe niatan nekok i Septi sesok ing sekolah.
Budhal sekolah Caca lingak-linguk "Loh, wis awan Septi kok udung ketok? " batine Caca nganti kebingungan, tibake Septi teka kasep lan peraupane lusuh ora kaya biasae, "Sep, kok dengaren kasep? ",Caca takon marang Septi gawe basa alus nanging karo Septi amung diwales esem sepet lan Caca wis ora tekok maneh menyang Septi. Setengah dina sinau ing sekolah tanpa omong-omongan kaya biasae marai atine Caca ganjel,akhire Caca ngewanekake takok marang Septi ngenani perubahan sifate Septi sing beda 180• kaya biasane. "Sep, sampean opo duwe masalah? ". Caca tekok nganti ati-ati supaya Septi gelem bagi masalahe Septi marang Caca, ananging karo Septi amung diwales godhek lan mesem kepekso.
Kedadean perubahan Septi tansah agawe bingung lan penasaran Caca, Kaping telune Caca manekake maneh takon marang Septi karo kalimat sing rodok maksa "Sep, lek sampean duwe masalah coba cerita menyang aku menawa Caca bisa bantu, sikapmu aneh kawet mau isuk, sakjane ana apa sep? ". Septi nyawang Caca jeru-jeru lan ndadekake Septi ujuk-ujuk ngrangkul Caca raket-raket lan sesenggukkan ngetokake eluh bening saking mata, Caca tambah bingung karo tingkahe Septi. "Lek ancen nangis bisa marai atimu ayem nangiso disek sep, mangko lek wis ayem,coba sampean cerita menyang Caca menawa bisa bantu". Septi nangis menyang pundhake Caca lan Caca cuba nglerem atine Septi supaya ayem, sakwise Septi meneng banjur Septi cerita menyang Caca. "Ca, Septi wis ora kuat, Septi pingin ning posisimu, keluargamu harmonis, guyub rukun lan isek utuh,ananging keluargaku wis remuk". Tibake penyebab sifate Septi berubah 180• amarga keluargane Septi arek pisahan,nangis sing marai Caca bingung yaiku omongane Septi sing pingin dadi Caca, bisa dijupuk kesimpulan bahwa Septi sing keluargane mewah tibake ora bahagia amarga kurang kasih sayang wong tua ananging Caca sing saka keluarga kang pas-pasan malah bisa mujudake keluarga kang guyub rukun.
Caca kaget, bocah sing selama iki dadi kebanggaane guru, putih, duwur, pinter,sugih tibake duwe cerita kelam. Caca banjur ngejak Septi ketemu bapak ibuke Septi kanggo jelasne kabeh unek-unek Septi supaya ora pisah. Mulih sekolah Caca lan Septi banjur moro menyang omahe Septi, ing jero omah ketok bapake Septi maca kertas lan nyekel pulpen, nanging ibuke Septi nglamun wae. Septi langsung ngrangkul ibuke Septi lan nyeritakake kabeh kegrundelane Septi, ora sui bapake nyusul lan nekok i penyebabe Septi nangis sesenggukan, Septi jelasne lek Septi sayang karo bapak lan ibuke nganti ora kepingin pisah. Ibu lan bapake Septi podo sinawangan siji marang sijine, ora let sui ibuke Septi melu nangis lan bapake ngomong marang Septi "Nduk Septi, bapak lan ibuk nyuwun sepura amarga wis gegabah jupuk keputusan, bapak janji bakal gawe keluarga cilik adewe bisa harmonis kaya ndisek jaman kolobendu". Tangis keluarga ambyar, Septi lan wong tuane akhire mutusake bakal rujuk maneh. Caca sing kawet mau meneng ning poncotan melu brebes lan bungah atine amarga keluarga kanca rakete malih utuh maneh.
Akhire bapak lan ibuke Septi moro menyang omahe Caca,kanggo matur suwun marang Caca amarga wis dadi penyemangate lan ngancani Septi ing masa susah sampek senenge,kawet cilik tekan gedhe. Kanggo bales kui kabeh, wong tuane Septi sepakat bakal biayai sekolahe Caca nganti Caca lulus kuliah S-1, kedadean iki agawe wong tuane Caca lan Septi tansoyo cedek nganti kaya keluarga kandung.
RAMPUNG
TUGAS BASA JAWA CERKAK
Penulis : Septya Dwi Salsabillah
Kelas/nomer absen : Xll IPA3/27
Sekolah : SMA NEGERI 1 Durenan
No comments:
Post a Comment