Aja Gawe Lara Ati | Cerita Cekak Basa Jawa

Aja Gawe Lara Ati 

Ing dina Rabu pas istirahat ana bocah lanang kang omong omongan, jenenge Dana.
Dana nduwe kanca plek jenenge Ryan. Bocah loro kuwi kanca kawet SMP, ndilalah kersane ngalah, saiki sak sekolahan nanging beda kelas. Dana saiki kelas 12 IPS 1. bocahe nduweni watak sombong, nanging dheweke nduweni keahlian gawe robot. Perawakane sing ireng manis, nduweni ketertarikan marang bocah sapadhane. Dana ing kelas dijuluki bocah paling ndablek merga ora tahu nggarap tugas. Ananging ndablek tapi Dana ya sregep shalat. Nakale Dana kuwi sumbut amarga ning sisi liya dheweke nduweni keahlian sing mumpuni kayata juara kabupaten robotik. Beda karo kancane sing jenenge Ryan. Ryan saiki kelas 12 IPA 3. Ryan nduweni watak kang sregep, sopan, lan pinter. Ryan uga nduweni prestasi ing bidang olahraga yaiku atlet basket. Perawakane Ryan sing cilik dhuwur, akeh bocah wedok sing padha demen.
Ing SMA ne bocah loro cetuk bocah wadon kang jenenge Sara, nanging Dana lan Ryan ora ngerti yen bocah kuwi jenenge Sara. Jebulna Dana nduweni rasa marang Sara lan semono uga Ryan. Ing sawijining dina, Dana kang wus ora isa mendem rasa banjur ngomong marang Ryan, kanca rakete. "Ryan, aku pingin cerita karo awakmu" sapane Dana kanthi isin. "Arep cerita apa ta?" sambung Ryan karo penasaran. "Tapi awakmu aja omong sapa - sapa lho, janji? Dana nengenake Ryan." Iya - iya, aku kan kancamu", sambung Ryan. "Saktenane aku demen ambi bocah wadon ing sekolahan iki", Dana omong karo isin. "Ha? Sapa, awakmu iso ye demen karo bocah, mong awakmu ki ora mbleneh ngono kok", saurane Ryan karo ngece. "Isa lah, mong aku ki ya manungsa" saurane Dana rodok anyel. "Nanging aku ora ngerti jenenge bocah iku" sambung Dana karo penasaran. Ryan banjur cerita yen dheweke uga ndemeni bocah wadon, nanging Ryan ora cerita ambi Dana. Dana banjur ngajak Ryan kanggo nggoleii bocah kang dimaksud.
Ing liya dina, Ryan wus ngerti yen bocah sing dheweke demeni jenenge Sara, nanging dheweke banjur kaget menawa Dana omong yen bocah kang dheweke demeni jenenge Sara. Ryan banjur mikir, isa uga bocah jenenge Sara ing sekolahan ora mung siji. Nanging jebulna Sara sing dimaksud Dana yaiku Sara sing padha ambi sing dheweke demeni. Ryan bingung, dheweke ora omong menyang Dana. Dana banjur omong yen dheweke wis oleh nomere Sara. Ing kana Ryan kemoprok atine, dheweke bingung kudu nyapo. Dheweke ora mungkin omong ambi Dana amarga dheweke wis janji bakal ngewangi Dana, nanging dheweke uga ora trima yen Sara bakal dadi duwekane Dana.
Ryan banjur golek cara supaya isa cedhek ambi Sara. Ing kesempatan kuwi, dheweke omong ambi Dana yen dheweke bakal nyedhekne Dana lan Sara, nanging kekarepan asli Ryan yaiku supaya dheweke bisa cedek karo Sara. Ryan banjur lekas nyedeki Sara, kepeneran Sara melu salah sawijining ekstrakulikuler padha karo Ryan. Ing kono Ryan berusaha nyedaki Sara. Watara suwi, Dana berusaha nyedaki Sara nanging ora ana respon saka Sara, dheweke sing ngerti yen Sara melu ekstrakulikuler sing padha karo Ryan, kancane SMP. Dana banjur takon marang Ryan "Yan, awakmu iso ndak, nyedhekne aku ambi Sara?" "Nyedhekne pie lho?" sanggah Ryan. "Lah halah, ya nggarai aku akrab ambi Sara ngono lo". Sambung Dana. "Jujur yo, sakjane aku nduwe rasa karo Sara" sambung Ryan. "Lo awakmu kok lagek crita saiki Yan?" Dana kaget. "Sakjane aku pingin omong kawet mbien, nanging aku sungkan karo awakmu. Awakmu lho ya ndemeni Sara" sambung Ryan. "Ya Allah Yan, ngerti ngono aku mundur alus wae". Dana omong karo suara lemes. Ryan omong, "yo wis saiki ngene ae, awakmu gelem opo ora nyedhekne aku karo Sara? Lek ora gelem yo uwis, uberen Sara, aku arep berusaha dhewe. Cukup semene wae kekancae awake". Ryan banjur ngaleh karo mendhem pegel.
Ing njero ati, Dana mendhem rasa salah karn Ryan, nanging ing sisi liya dheweke ya ora gelem ngalah menowo Ryan karo Sara. Sesoee Ryan nyoba ngomong langsung yen dheweke nduweni Sara. "Sar, aku arep omong tenanan nek awakmu". "Omong opo to Yan? " "Jujur ya Sar, sak tenane aku tresna banget karo awakmu wis suwi aku mendhem perasaan iki. Nanging aku isin ragu arep omong langsung karo awakmu, tapi iseh saiki aku iso omong karo awakmu. Dadi kepriye Sar, kok tanpa opo ora? " Sara bingung arep njawab pie. Nanging Sara njawab ana rasa salah ning njero atine." Jujur ya Yan, saktenane aku ora demen karo awakmu, aku demee karo kancamu sing jenenge Dana. Awakmu aja geli, perasaan iku ora kenek dipaksa. Awakmu ya isa kudu nama masiaa lara ati". Ryan pegel karo getem - getem dheweke di tolak Sara. Nanging dheweke ora ngetokne yen pegel karo Sara. Dheweke omong, "iya Sar, ora apa apa, kuwi hak mu. Awakmu ora ndemeni aku, nanging aku wis lega wis isa ngungkapne marang awakmu". Ryan banjur ngaleh, dheweke langsung nemoni Dana. "Dan, gara - gara awakmu, Sara nolak aku. Pokok e iki kabeh salah mu. Aku ora trima, wis titik" . Dana nyahuri karo bingung. "Lhoh, Yan ana apa maksud omonganmu kuwi. Aku lho ora ngerti apa - apa, awakmu kok isa mutusne sepihak persahabatane awake." Ryan banjur omong. "Ora usah takon apa alasae". Ryan banjur ngaleh. Sakwise kedadeyan iku, kekancane Ryan karo Dana ora raket maneh. Yen ketemu ora nyapa maneh. Sara uga ngadohi marang bocah loro kuwi.
Hikmah saka crita iki, bisa di jupuk hikmahe, menawa kekancan kuwi kudu njaga komitmen lan kepercayaan aja nganti ana rahasia sing bisa ngedohne siji marang liyane




Rampung


Nama : Tata Harsyani Fatikasari
Kelas : XII IPA 3
Absen : 30